EleSouth Africa lithi izizalwane zeZimbabwe ezaphiwa ama-permits, ezilokhu zingakawathathi kumele ziwalande emahofisini eVFS Global Centers umhlaka 30 wenyanga ezayo ungakafiki.
Embikweni eliwethule ngoLwesihlanu, ugatsha lweHome Affairs lukhuthaze njalo abalokhu bengakatholi impendulo ukuthi labo baye emahofisini afanayo bayebuzisa ukuthi ami njani amaphepha abo.
Abantu abacela ama permits phansi kohlelo lweZimbabwe Special Dispensation bedlula inkulungwane ezingamakhulu amabili, kodwa akukazakali ukuthi bangaki abawatholayo labancitshwayo.
Isiphathamandla senhlanganiso yeZimbabwe Community in South Africa uMnu Ngqabutho Mabhena laye uxwayise izizalwane zeZimbabwe ukuthi ziyethatha amapermits azo ilanga elibekiweyo lingakafiki.
Your browser doesn’t support HTML5
Ingxoxo loMnu Ngqabutho Mabhena