Uhulumende usevumele umdeni kamuyi uRobert Gabriel Mugabe ukuthi owayengumongameli ayengcwatshwa eZvimba esabelweni seMashonaland West.
Usibalukhulu obona ngokwethulwa kwemibiko kahulumende, uMnu. Nick Mangwana, uthi bavumele ukuthi umdeni kamuyi wenze lokhu ngoba bafuna ukuhlonipha isiko labo.
“Umdeni kamuyi uR.G. Mugabe ufisa ukuyangcwaba owayengumongameli eZvimba. Sibone kufanele ukuthi sikwamukele lokhu ngoba sihlonipha izifiso zabantu. Sibambisana labo kulokhu.
“Sizancedisa ngendlela zonke kulokhu ukwenzela ukuthi abekwe ngemfanelo.”
Bekukhangelelwe ukuthi uMugabe uzangcwatshwa emathuneni eNational Heroes Acre obekumele kwakhiwe isihonqo esibizwa ngokuthi yimasoleum.
Kodwa-ke abaphikisa ukulumende kaMnangagwa bathi kudlaliswe imali kusakhiwa indlwana obekumele kubekwe khona umuyi.
Omunye wabantu abangakusekeliyo nguNkosazana Maureen Kademaunga, owebandla leMDC elikhokhelwa nguMnu. Nelson Chamisa, othi kumele uhulumende aveze ukuthi kusetshenziswe malini ekwakheni indlwana obekumele kungcwatshwe umuyi uRobert Mugabe.
UMnu. Joseph Tshuma, okubandla leZanu PF, uthi uhulumende usekela okufiswa ngumdeni kamuyi.
Your browser doesn’t support HTML5
Ingxoxo Esiyenze LoMnu. Joseph Tshuma