Omunye wabakhokheli belinye lamacele eMDC-T elizibiza ngokuthi yi Renewal Team uMnu. Tendai Biti uthi ukuze eleZimbabwe lithuthukise umnotho walo, kufanele liqinise indlela elisebenzelana ngayo lomanyano weSADC, oweEU, kanye lamazwe eChina, UK, leMelika ngoba lingasoze liphumelele nxa lisebenza lodwa.
UMnu. Biti wengezelele wathi kufanele ilizwe lisebenzise ama Rands eSouth Africa kuphela endaweni ye dola leMelika njalo libe lilunga lomanyano weRand Monetary Union.
Uphinde wagcizelela ukuthi kufanele kuqoqwe umhlangano wokunikana amacebo phakathi kukahulumende, inhlanganiso ezizimeleyo, abantu makhaza, amabandla ezombusazwe aphikisayo, kanye lawo wonke ama stakeholders ukuze kulungiswe umnotho welizwe.
USithandekile Mhlanga weStudio 7 uxoxe loMnu. Reggie Moyo, yena ogcizelele amazwi kaMnu. Biti, wengezelela ngokuthi ibandla lakhe lilokhu lihluza okuphathelane lokuthuthukisa umnotho welizwe.
Your browser doesn’t support HTML5
Ingxoxo LoMnu. Reggie Moyo