Amapholisa asevimbe uDokotela Peter Magombeyi ukuthi ayekwelatshwa kwele South Africa loba umthethwandaba wethule isinqumo sokuthi kumele avunyelwe ngamapholisa ukuthi ayethola uncedo kulelolizwe.
Amagqwetha amele uDokotela Magombeyi asehambise udaba lolu okwesibili emthethwandaba kulandela ukuvinjwa kwakhe ukuthi asuke esibhedlela ayengena endizamtshineni obekumele imhambise kwele South Africa namuhla kusihlwa.
Umahluli weHigh Court uHappias Zhou ubeyethule isinqumo lesi esingalandelwanga ngamapholisa alokhu evimbile lapho alaliswe khona eAvenues Clinic.
Kubikwa ukuthi uDokotela Magombeyi ulamatshisela emzimbeni aveza ukuthi watshiswa ngomlilo kagetsi njalo wahlatshwa amajekiseni alemithi engaziwayo.
Odokotela bathi lokhu yikho okumenza ukuthi akhohlwe ukuthi wathunjwa njalo waphathwa njani ngabamthumbayo.
Kasenelisanga ukukhuluma ngodaba lolu lesikhulumeli samapholisa, uSenior Assistant Commissioner Paul Nyathi, obengaphenduli umakhalekhukhwini wakhe.
Kusenjalo, uDokotela Solwayo Ngwenya, obona ngenhlelo ezitshiyeneyo esibhedlela seMpilo Hospital, uthi bayelatshwa abantu loba odokotela bakhalala umsebenzi.
Your browser doesn’t support HTML5
Ingxoxo loDokotela Solwayo Ngwenya