Amalunga edale lephalamende athi ayaziswe ukuthi lelidale livaliwe ngoLwesithathu ngesikhathi ibandla leZANU PF lilungiselela umkhosi wokuthakazelela ilanga lokuzalwa kukamongameli Mugabe ngoMgqibelo ozayo eVictoria Falls.
Kuqhamuke ingxabangxoza kulelidale ngoLwesithathu olwedluleyo amalunga amabandla aphikisayo esola ukungaphatheki kwabaphathintambo bakahulumende abebandla leZANU PF kulelidale, ngoba babesemhlanganweni we politburo yebandla labo.
UNkosazana Thabitha Khumalo omela iBulawayo East edale lephalamende engowebandla leMDC-T,uthi ibandla lakhe lithemba ukuthi kuzakuba lenguquko kulelidale, ngoba kufanele abaphathintambo bakahulumende bephendule imibuzo ukwenzela ukuthi amalunga alelidale ayechasisela abantu ababamelayo.
UMaKhumalo uchasisele uSithandekile Mhlanga weStudio 7 okukhathaza abantu okufanele kuhluzwe kulelidale.
Your browser doesn’t support HTML5
Ingxoxo LoNkosazana Thabitha Khumalo