Amabandla ezombusazwe aphikisayo athi akulathemba lokuthi indlela ukhetho oluqhutshwa ngayo elizweni lungaguquka lubengcono nxa inhlanganiso eqhuba inhlelo zokhetho elizweni eye Zimbabwe Electoral Commission izasebenzisa uluhlu lwe voters’ roll olwaluvele lusetshenziswa yi wofisi ka Registrar General ukuhlela kutsha amabizo abantu abalelungelo lokuvota.
Lokhu kulandela umbiko owethulwe yinhlanganiso yeZEC ngoLwesithathu othi izaqalisa ukubhalisa amabizo abantu abalelungelo lokuvota elizweni, ngendela yokulungiselela ukhetho oluzayo ngomnyaka ka2018.
Ukuze sihlaziye loludaba, ndawonye lezinye eziphathelane lokhetho, iStudio 7 ixoxe loMnu. Sengezo Tshabangu, isiphathamandla sebandla leMDC Renewal Team, endawonye loNkosazana Ellen Shiriyedenga, isiphathamandla esibona ngenhlelo zokhetho kucele leMDC elikhokhelwa nguMnu. Welshman Ncube. UShiriyedenga, yena obesemhlanganweni obuqoqwe yiZEC ngoLwesithathu, uqala ngokuchasisela uSithandekile Mhlanga weStudio 7 okuhlafunwe kulumhlangano.
Your browser doesn’t support HTML5
Ingxoxo LoMnu. Sengezo Tshabangu Endawonye LoNkosazana Ellen Shiriyedenga