Kulowesifazana weTsholotsho olimale kakubi walaliswa esibhedlela seMpilo ngemva kokuhlaselwa yinyamazana engabonakalanga okunakanelwa ukuthi yisilwane kumbe ingwe.
Kodwa ezinye izakhamizi zikhuza umhloba zisithi lezi yizinto zabantu ezidinga osiyazi kumbe owafawafa labo-tsikamutanda ngoba akukaze kubonakale inyamazana zendle eziyingozi kulumango.
UNkosikazi Violet Sibanda, ohlala kuWard 16, esigabeni sakoKhwali, uhlaselwe yinyamazana le eseduzane lomuzi wakhe njalo uselamalanga elaliswe esibhedlela koBulawayo.
Isehlakalo lesi sesilethe ukwesaba okukhulu kuzakhamizi zakulindawo.
Indodana yakhe uMnu Linos Moyo utshele iStudio 7 ukuthi laye unakanela ukuthi kungaba lesandla semfene ekuhlaselweni kukanina.
Your browser doesn’t support HTML5
Ingxoxo loMnu Linos Moyo