Isisebenzi sebandla eliphikisayo ele Transform Zimbabwe, sisiwe esibhedlela ngeSonto kulandela ukungenelwa komuzi womkhokheli webandla leli, uMnu. Jaco Ngarivhume eHarare ngeSonto ebusuku ngabantu abangaziwa bathela umoya wetshefu endlini.
Lelibandla lithi kubonakale umuntu eseqa umduli we durawall endlini ka Ngarivhume yena obengekho lemuli yakhe kodwa bekulezisebenzi ezibalisa u Nkosazana Florence Honyimo. Abalinda lindlu bathe bengena endlini bathola u Honyimo eseqalekile ngemva kokuhlanza.
Lanxa odokotela bengathandanga ukukhuluma le Studio Seven abanye abasekeli balelibandla batshele iStudio Seven ukuthi uhitshwe yintuthu elakho ukubulala umuntu lanxa bengayibethanga ngegama lintuthu.
Ngenyanga edluleyo omunye njalo untombazana osebenza emahofisin kamsekeli kamongameli, uMnu. Emmerson Mnangagwa laye waqaleka ngemva kokuhotsha intuthu ecatshangelwa ukuthi yayithelwe emahofisini la. Odokotela bathi lintuthu ngeye cyanide.
UChris Gande weStudio Seven uxoxe lesiphathamandla sebandla le Transform Zimbabwe, uMnu. David Rodi ukuze sizwe okunengi ngaloludaba.
Your browser doesn’t support HTML5
ingxoxo loMnu. David Rodi