WASHINGTON DC —
Owake wabangumpathintambo wakoBulawayo uNkosikazi Eunice Sandi Moyo kasekho.
Ubhubhe ngoLwesine koBulawayo esibhedlela seMater Dei ngemva kokulwisana lomkhuhlane weBP.
Indodakazi yakhe uNkosazana Phoebe Sandi Moyo wazise uzulu ngemfa kanina enkundleni yokuxhumana eye “X”.
UNkosikazi Sandi Moyo owake waba lilunga lePolitburo kubandla leZanu PF wake wabanguSenetha wakoBulawayo kanye lomphathintambo walelidolobho phansi kobukhokheli bowayengumongameli uMnu. Robert Mugabe.
Amalungiselelo omngcwabo wakhe awakaziswa kodwa abantu babuthene emzini wakhe eSunninghill koBulawayo.