Osomabhizimusi abasakhulayo baseZimbabwe, bamukele ngenjabulo isinqumo sikahulumende sokuvula ilizwe, besithi uhlelo lweCovid 19 Lockdown, luphazamisa kakhulu indlela abaqhuba ngayo umsebenzi wabo.
Omunye wabo nguMnu. Nkosana Mazibisa, owasungula uhlelo lwe MatLive Business Incubation Center, koBulawayo. Lolu luhlelo olujonge ukutholisa abasakhulayo imfundiso lolwazi oluphathelane lokuzithuthukisa empilweni lakwezamabhizimusi.
UMazibisa utshele umsakazo weStudio7 ukuthi bekunzima ukuthi basebenze loba ukuqhuba inhlelo zabo kakuhle phansi kwemigoqo yeCOVID-19 Lockdown. Ngokuyekethiswa kweziqondiso zokumelana legcikwane leCoronavirus bathi balethemba lokuba lokhu sokuzaguqula indlela asebezasebenza ngayo ngokuvulwa kwelizwe.
UMnu.Nkosana Mazibisa Owasungula Uhlelo LweMatLive Business Incubation Center
“Ngenxa yeLockdown kanye le COVID-19 okuyikho okwenze savala amanye ama programs anjengawe Accelerator Program, lapha ebesikhangelele ukuthi sithathe ontanga abangu-15, bafunde baye kuma site visits, besiya endaweni ezitshiyeneyo, across the whole country, okuhambelana lepractical learning eye business, manje ngenxa yelockdown iprogram enjalo siyimisile ngoba ilizwe belivalile, there was no intercity travelling,” kutsho uMazibisa.
UMazibisa uphinde wathi, lapho luqala uhlelo lweLockdown, osomabhizimusi kwakumele bavale izitolo zabo ngo 3 emini. Lokhu bekusenza ukuthi kube nzima ukuqhuba inhlelo zabo, kodwa njengoba ilizwe selivula sekusenza kubelula ukuthi baqhube inhlelo zabo ngemfanelo.
Abatsha Bephatheka Kuhlelo Lwe MatLive Business Incubation Center KoBulawayo
“Ngesikhathi izinto bezivala ngo 3 o’clock, bekusenza kube nzima abanye abantwana abasuka kwezinye izigaba ukuzo accessa ngoba isikhathi siyabe silimited, but now ukwehliswa kwama restrictions sokusenza kube lula ukuthi abantu abasuka endaweni ezitshiyeneyo ko Bulawayo, they can easily access the hub throughout the day ngoba sesivulile,” kutsho uMazibisa.
Abafisa ukuthola ulwazi olujulileyo oluphathelane lohlelo lwe MatLive Business Incubation Center, lilakho ukuxhumana loMazibisa enkundleni eyeWhatsApp kunolombolo ezithi +263 77 769 6776.
Your browser doesn’t support HTML5
Ingxoxo esiyenze lo Nkosana Mazibisa