Okubandla eliphikisayo uMnu. Bassirou Diomaye Faye uyakhokhela kwele Senegal kukhetho luka mongameli oluqhutshwe izolo.
Abaphethe ukhetho lolu kabakavezi impumela yalo lobanje uMnu. Amadou Ba, omele ibandla lowayengumkhokheli wakulelolizwe, uMnu. Macky Sall, esetshayele uFaye ihlombe esithi kusobala ukuba unqobile kukhetho lukamongameli.
Uhulumende wakwele Senegal wamisa ophikisayo uMnu. Ousmane Sonko, owayekhokhela ibandla lika Faye, ukuba angene kukhetho lolu ngoba wake wagwetshelwa icala lokwephula imithetho yelizwe.
Abezindaba abeReuters babika ukuba uFaye uvotelwe kakhulu ngabatsha abakhonona ngokugugudeka komnotho welizwe lokungenela kwele Russia kwezombusazwe kulelolizwe lapho elifuna kubuse ibutho hatshi umuntu makhaza.
Abakunhlanganiso ebona ngokukhululeka kukazulu kuzwekazi leWest Africa eyeAfrikajom Center bathi kungaba kuhle kakhulu uma uFaye enqobe kukhetho lolu ngoba eleRussia libathwalele ubhulo njalo liphehla inzondano kumhlubulo lo, osokwagenqulwa ohulumende libutho okuyisificamwemibili kusukela ngomnyaka ka2020.
Abaphethe ukhetho lolu bazakwethulela uzulu impumela yokhetho lolu ngoLwesihlanu. Sixoxe ngokwenzakala kwele Senegal njalo okwenziwa ngele Russia kuzwekazi leAfrica loMnu. Nhlanhla Moses Ncube, okunhlanganiso yeFreedom Alliance, othi abantu badinga inkokheli yabo hatshi efunwa ngele Russia.