Omama abangamatshumi amabili lane namhla batshengisele phandle komthethwandaba wako Bulawayo bekhonona ngabathi yikungathoniswa kuhle kwamacala abadlengula amantombazana askahulayo bekhululwa ngemali yesibambiso, ibail.
Omama laba bebegoqela lomama wentombazana eleminyaka elitshumi lane owadlengulwa ngomnuye owesilisa ohlawuliswe imali engamadola alikhulu.
Omama laba, abagoqela omela iMetropolitan Bulawayo edale lephalamende, uNkosikazi Jasmine Koks Toffa, bake babotshwa okwesikhatshana bakhululwa bengetheswanga cala.
Sixoxe loNkosikazi Toffa othi ukutshengisela lokhu bekungomama abangayisibo bebandla linye.
"Sihambe singabomama sahlangana eTotal laphana eMpopoma saphuma sithwele amaplacard then they refused us to go in samaphandle sihlabela ingoma sabona amapholisa," kutsho uToffa.
Uthi bahle bangena emoteni ngoba besesaba ukuthi bazabotshwa bengakasi ugwalo lwezikhalazo zabo emthethwandaba.
Kodwa uthi bathe befika emthethwandaba amapholisa ahle abavimba athi bangene emoteni yamapholisa kodwa bona bala bahlala phansi bathi kungcono baphakanyiswe.
Kodwa ngemva kwesikhathi basukuma amapholisa athi asambeni siyexoxa yikho ukuthi bavalelwe esitokisini okwesikhathi baza bakhululwa.
Your browser doesn’t support HTML5
Ingxoxo loNkosikazi Jasmine Toffa