Umthethwandaba uthi umkhokheli webutho lomphathintambo kahulumende obona ngezomvikela kumele bahlawule abantu abane inkulunwgane ezingamatshumi amane – US$40,000 abatshaywa kabuhlungu libutho ngesikhathi kuvalelwe uzulu ezindlini kulandela ukuqhamuka komkhuhlane weCOVID.
Isinqumo lesi sithethwe ngumantshi eShurugwi kulandela udaba oluphanyekwe nguMoreblessing Ncube, ozisebenzayo, uBatler Jabangwe loMavhuto Kachepa, abasebenza eShurugwi City Council kanye loGrant Zinyuke oqhatshwe yisibhedlela seShurugwi Hospital.
Abane laba, abamelwe yinhlanganiso yamagqwetha eyeZimbabwe Lawyers for Human Rights, bathi amasotsha abathwalisa amagabha avuzayo ngomnyaka ka2020. Umatshi uthe kubi kakhulu okwenziwa libutho ngakho-ke kumele uLt. General Anselem Nhamo Sanyatwe loNkosikazi Muchinguri-Kashiri bahlawule imali le.
Kasenelisanga ukuxhumana lababili laba akade bengaphenduli omakhalekhukhwini.
Olwela ilungelo likazulu ekunhlanganiso yeConsumer Rights Association of Zimbabwe, uMnu. Effie Dlela Ncube, uncome okwenziwe ngumthethwandaba.