Odokotela abakhalale umsebenzi bathi abanye babo abasanda kuloba imihloliso emakolitshini bathi kabasoze bavume ukuba ngaphansi kohlangothi lwezemfundo yaphezulu njengalokho okufiswa nguhulumende.
Bathi yikuganga okwenziwa nguhulumende ofisa ukuthi odokotela laba babenjengezifundi ezisemakolitshini yemfundo yaphezulu kulokuthi babe ngaphansi kohlangothi lwezemfundo.
Bathi uhulumende wenze lokhu esenzela ukwethusela odokotela asebelenyanga bekhalale umsebenzi bekhonona ngeholo lokunye okumbalwa.
Odokotela abafika amakhulu amahlanu bamiswe umsebenzi okwesikhatshana yinhlanganiso yeHealth Service Board enikwe amandla yiLabor Court ukuthi ijezise labo abakhalale umsebenzi.
I-Health Service Board eqhatsha odokotela yiyo ebilobelana izivumelwano labodokotela abafundela ezempilakahle ezibhedlela ababizwa ngokuthi ngama junior doctors. Kodwa umsekeli kamongameli uRetired General Constantino Chiwenga ubike ngeviki ephelileyo ukuthi odokotela laba sokumele babe ngaphansi kohlangothi lwezemfundo.
UDokotela Mthabisi Bhebhe, unobhala jikelele wenhlanganiso yemadokotela eyeZimbabwe Hospital Doctors’ Association, uthe kuyamangalisa okwenziwe nguhulumende.
Asenelisanga ukuxoxa ngodaba lolu leziphathamandla zeHealth Service Board kanye lohlangothi lukahulumende olubona ngezempilakahle.
Your browser doesn’t support HTML5
Odokotela Batshaya Phansi Ngenduku Besithi Kabasoze Bavume Ukwethuselwa Nguhulumende