Imbongi eloduma, uObert Dube, uthi utshaywe ngamapholisa walimala kabuhlungu.
UDube uthi utshaywe ebusuku ngeviki ephelileyo egijimele umkhosi womkhuhlane eVictoria Falls.
UObert Dube ngesikhathi ehlolwa esibhedlela eVictoria Falls. (Courtesy Photo)
Uthi amapholisa kawafuni ukuveza labo abamtshayayo besithi uyazenzisa.
UDube uthi amapholisa emtshaya bathi balakho ukumbulala kungasoze kwenzakale lutho kubo ngoba balondoloza umthetho eZimbabwe.
Usehambe esibhedlela lapho ahlolwe umzimba wonke. Ukhangelelwe ukuthi uzahlolwa umzimba wonke ngoMvulo ngoba uhlanza igazi engakhwehlela.
Kasenelisanga ukukhuluma ngodaba lolu lesikhulumeli samapholisa uSenior Assistant Commissioner Paul Nyathi obengaphenduli umakhalekhukhwini wakhe.
Ilizwe leZimbabwe okwamanje liphansi ohlelo lokuvalela abantu ezindlini olwe COVID-19 lockdown. Kulabanye njalo abantu abathi batshaywa ngamapholisa avimbe ukuba bengahambi endaweni ezitshiyeneyo kungelazizatho.
Your browser doesn’t support HTML5
Amapholisa Atshaya Imbongi Kazulu uObert Dube