Nqobani Sithole: USengezo Tshabangu Uthi Uzavimba uGift Ostallos Siziba Labanye Bakhe Abafuna Ukungena Kukhetho Bekubandla leCCC

Igqwetha elimele uMnu. Sengezo Tshabangu lithi lizaphanyeka amaphepha emthethwendaba kunsukwana ezilandelayo awokumisa uMnu. Gift Ostallos Siziba labanye bakhe ukuba bengancintisi kukhetho lwama byelection ngoNhlolanja ngomnyaka ozayo bephansi kwebandla leCitizens Coalition for Change.

UMnu. Nqobani Sithole uthi basamelele ukwethulwa okusemthethweni kwamagama alabo abazancintisa kukhetho lolu oluqhutshwa kulandela ukususwa kuka Siziba, uMnu. Amos Chibaya labanye kudale lephalamende ngeSengezo othi ungunobhala jikelele webandla leCCC loba bona bemphika.

Kuzaqhutshwa ukhetho lolu ezigabeni eziyisithupha. UTshabangu usexotshise edale lephalamende amalunga eCCC amanengi kanye lamakhansila athi sebaxotshwa ukuba ngamalunga ebandla leli.

SEE ALSO:

Ingxoxo Esiyenze LoMnu. Nqobani Sithole

UMnu. Fortune Mlalazi owebandla leCCC uthi bekuvele kungamangalisa uzulu uma uTshabangu engaphanyekanga udaba lolu emthethwandaba ngoba usekelwa libandla elibusayo.

SEE ALSO:

Ingxoxo Esiyenze LoMnu. Fortune Mlalazi

Ibandla leZanu PF liyakuphika ukuba lisekela uTshabangu lisithi kalilani lokwenzakala kuCCC.