Nqobani Sithole: Ngamanga Aluhlaza Tshoko Ukuthi Amagqwetha kaTshabangu Ahlawulwa Libandla leZanu PF

WASHINGTON — 

Amagqwetha kaMnu. Sengezo Tshabangu aphika ukuba uncediswa ngemali evela kubandla le-Zanu PF.

UMnu. Nqobani Sithole omunye wabamele uTshabangu uthi uTshabangu uncedwa ngabantu abahambelana lakwenza kubandla leCitizens Coalition for Change lapho asexotshise khona amalunga edale lephamende amanengi kanye lamakhansila.

Amagqwetha akuzinga eliphezulu ahlawulwa amadolar angamakhulu amakhanu – U$500 kuhola linye.

UTshabangu okwamanje ulamagqwetha amathathu agoqela uSithole, uMnu. Kucaca Phulu loMnu. Lewis Uriri.

USithole uthi kasoze achazele uzulu ukuba utshabangu uyithole kuphi imali abahlawula ngayo.

SEE ALSO:

Ingxoxo Esiyenze LoMnu. Nqobani Sithole

Siphinde saxoxa ngodaba lolu loMnu. Fortune Mlalazi okucele leCCC elisekela uMnu. Nelson Chamisa othi kulesandla semfene kulokhu okwenziwa nguTshabangu, owaxotshisa amalunga edale lephalamende akubandla leCCC.

SEE ALSO:

Ingxoxo Esiyenze LoMnu. Fortune Mlalazi

UTshabangu uthi amalunga wonke awaxotshisayo kudale leHouse of Assembly, Senate lakumakhansili sebaxotshwa kuCCC.

Icele leCCC eliphansi kuka Mnu. Nelson Chamisa lithi uTshabangu ngumthengisi osetshenziswa libandla leZanu PF elifuna ukuba lamalunga amanengi edale lephalamende, eleSenate lakumakhansili.

UTshabangu uyakuphika lokhu.