Ingcwethi kwezombusazwe zithi inengi labantu limkhumbula ngenxa yemisebenzi yakhe emihle ekukhululeni ilizwe embusweni wabamhlophe.
WASHINGTON —
Abantu abavela ezigabeni zonke zelizwe lamuhla babuthene eStanley Square koBulawayo benanza impilo kamuyi owayengumsekeli kamongameli uMnu. Joshua Mqabuko Nkomo, njalo ikhansili yalelidolobho isiphe umgwaqo kaMain Street ibizo likamuyi.
Sokuyiminyaka elitshumi lane, umuyi wabhubhayo, njalo ingcwethi kwezombusazwe zithi inengi labantu limkhumbula ngenxa yemisebenzi yakhe emihle ekukhululeni ilizwe embusweni wabamhlophe.
Ibandla leZAPU labunjwa ngomnyaka ka 1961 njalo ezinye iziphathamandla zalo, ezigoqela uMnu. Robert Mugabe zasuka kulo ukuyabumba eleZANU.
Ngemva kokunqoba kwebandla le ZANU ngomnyaka ka 1980, umuyi walobelana isivumelwano sokumanyana kwebandla lakhe leZAPU lele ZANU okwaqeda ukubulawa kwabantu ikakhulu ezigabeni zeMatabeleland le Midlands kusehlakalo esazakala ngokuthi yi Gukurahundi esibikwa sabulalisa abantu phose inkulungwane ezingamatshumi amabili-20 000.
Indodana kamuyi, uMnu. Sibangilizwe Nkomo uthi kumele ziqediswe inhlelo zokunika umuyi inhlonipho ezigoqela ukwakhiwa kwegceke lendizamtshina, isithombe, kanye lesibhedlela.
UNkomo utshele uSithandekile Mhlanga weStudio 7 ukuthi abakade bese mbuthanweni weStanley Square lamuhla ukuthi okuqakathekileyo yikuthi abantu bengakhethani ngemihlobo, kodwa bambane njengalokhu okwakufiswa ngumuyi.
Sokuyiminyaka elitshumi lane, umuyi wabhubhayo, njalo ingcwethi kwezombusazwe zithi inengi labantu limkhumbula ngenxa yemisebenzi yakhe emihle ekukhululeni ilizwe embusweni wabamhlophe.
Ibandla leZAPU labunjwa ngomnyaka ka 1961 njalo ezinye iziphathamandla zalo, ezigoqela uMnu. Robert Mugabe zasuka kulo ukuyabumba eleZANU.
Ngemva kokunqoba kwebandla le ZANU ngomnyaka ka 1980, umuyi walobelana isivumelwano sokumanyana kwebandla lakhe leZAPU lele ZANU okwaqeda ukubulawa kwabantu ikakhulu ezigabeni zeMatabeleland le Midlands kusehlakalo esazakala ngokuthi yi Gukurahundi esibikwa sabulalisa abantu phose inkulungwane ezingamatshumi amabili-20 000.
Indodana kamuyi, uMnu. Sibangilizwe Nkomo uthi kumele ziqediswe inhlelo zokunika umuyi inhlonipho ezigoqela ukwakhiwa kwegceke lendizamtshina, isithombe, kanye lesibhedlela.
UNkomo utshele uSithandekile Mhlanga weStudio 7 ukuthi abakade bese mbuthanweni weStanley Square lamuhla ukuthi okuqakathekileyo yikuthi abantu bengakhethani ngemihlobo, kodwa bambane njengalokhu okwakufiswa ngumuyi.
Your browser doesn’t support HTML5
Ingxoxo LoMnu. Sibangilizwe Nkomo