Amabandla ezombusazwe athi aphakathi kokulungiselela ukhetho lwama by-elections njalo akhuthaza abantu ukuthi bebhalisele ukuvota kuhlelo oluqhutshwa yinhlanganiso yeZimbabwe Electoral Commission olwe Mobile Voter Registration Exercise.
Omunye wabancintisayo nguNkosikazi Lillian Mlilo kukhetho lokudinga ozamela u ward 12-eNjube koBulawayo njalo wayevele engukhansila walesi isigaba ekubandla leMDC Alliance lingakabi yi Citizens Coalition for Change, kodwa waxotshwa ibandla leMDC-T elalikhokhelwa nguNkosazana Thokokazi Khupe selithe yena labanye bakhe emakhansili kanye lephalamende ngabebandla labo abangasalandeli iziqondiso zabo. Asizweni ingxoxo esiyiqhube laye kanye lamalungiselelo akhe.
Your browser doesn’t support HTML5
Ingxoxo loNkosikazi Lillian Mlilo
UNkosikazi Esnath Khumalo, ozancintisa kukhetho olufanayo, esigabeni sinye, ekubandla leRepublican Party of Zimbabwe, elikhokhelwa nguMnu. Kwanele Hlangabangana, usanda ukutshela intathelizindaba ukuthi ulethemba lokuthi uzanqoba ancintisana labo. Uthi amakhansila edolobho lakoBulawayo ayehluleka ukuhlanza idolobho njalo lezikolo azithuthukanga
IStudio 7 izaqhubeka ilethulela amalunga ancintisa kukhetho lwama by-elections emele amabandla ehlukeneyo kumbe ezimele.