Umongameli Robert Mugabe ngoLwesibili wethulele idale lephalamende umbiko awufunda kunyanga edluleyo edale elifanayo, ngesikhathi umsakazo weZBC ubikwa uvinjiwe ukusakaza okwenzakale ephalamende lamuhla.
Isikhulumeli sakhe UMnu. George Charamba ugcizelele iphutha elenziwe ngumongameli Mugabe kuphephandaba leThe Herald, kodwa amalunga edale lephalamende athi akuxoliswanga njalo batshelwe ukuthi bazacubungula amazwi kamongameli mhlaka 25 kuyonale inyanga.
Ibandla leMDC-T selethule umbiko likhuthaza umongameli Robert Mugabe ukuthi atshiye umsebenzi ngoba ukungananzeleli leliphutha kukhomba ukuthi useluphele.
Lokhu kwenzakala amalunga ebandla leMDC kulelidale agoqela oMnumzana Innocent Gonese, Prosper Mutseyami, Prince Madubeko Sibanda, Nelson Chamisa, kanye loJames Maridadi, esithi emukele incwadi ngomakhalekhukhwini ibethusela ukuthi bengalokothi behoze umongameli Mugabe njengalokho okwenzakalayo kunyanga edluleyo.
UMnu. Madubeko Sibanda uthi babikele usomlomo wedale lephalamende uMnu. Jacob Mudenda loludaba, wabaxwayisa ukuthi bayelubika emapholiseni.
Uthi imbiko ebikumakhalekhukhwini ibivela emuntwini ozibiza ngokuthi nguKufa u "Death" njalo ubethuse kakhulu, kukanti iphephandaba leThe Herald beselilobe udaba ngaphambilini kwalesisehlakalo lugcona amalunga la ngokulungiselela ukuhoza umongameli, okuphikwe nguMnu. Madubeko.
Your browser doesn’t support HTML5
Ingxoxo LoMnu. Prince Madubeko Sibanda