UMongameli Mugabe, yena osengumgcinisihlalo weAfrican Union utshone ehlangana leziphathamandla zeAU eEthiopia ngoMvulo kulandela ukugqitshwa komhlangano walumanyano omkhulu ngoMgqibelo.
UMugabe ukhangelelwe ukuphenduka eHarare ngoLwesithathu.
Njengomgcinisihlalo weAU, uMugabe uthi uzaqakathekisa inhlelo zokuthuthikisa uzulu weAfrica.
Lanxa ukukhethwa kukaMugabe bekuyinto ebikhangelelwe, bakhona abathi ubengamalenga aphiwe lesisikhundla ngoba engelandaba lamalungelo oluntu kanti njalo ulezijeziso azifakelwa ngamazwe angentshonalanga.
Ngalokunjalo, bathi amazwe angentshonalanga alakho ukungafuni ukudlelana kuhle leAU.
Kodwa uMugabe uthi kalandaba lokuthi amazwe angentshonalanga athini ngaye. Uthi azihlupha ngakho yintuthuko yezwekazi leAfrica.
Kunjalo nje unobhala jikelele weUnited Nations uMnu Ban Ki-Moon usekhuthaze abakhokheli bamazwe eAfrica ukuthi bengaze bagogodlela embusweni.
UBan wethule amazwi la emhlanganwnei weAU.