Inhlanganiso le ithi kusobala ukuthi uMnu. Mqondisi Moyo loMnu. Busani Sibindi kabalacala njalo lemali abayihlawuliswayo iphezulu kakhulu kukanti ayihambelani lesigwebo lecala abeletheswayo.
WASHINGTON —
Inhlanganiso elwela ilungelo loluntu, eyeMthwakazi Youth Leaders Joint Resolution ithi izaphikisa emthethwandaba ophezulu isigwebo esethulwe ngumantshi izolo esokuthi iziphathamandla ezimbili zalinhlanganiso zihlale entolongweni okwenyanga ezintathu kumbe zihlawule imali engamadola angamakhulu amahlanu munye ngamunye inyanga yonale ingakapheli ngokutshengisela bengelamvumo evela emapholiseni.
Inhlanganiso le ithi kusobala ukuthi ababili laba; uMnu. Mqondisi Moyo loMnu. Busani Sibindi kabalacala njalo lemali abayihlawuliswayo iphezulu kakhulu kukanti ayihambelani lesigwebo sabo kumbe icala abeletheswayo.
Amalunga enhlanganiso le, angamatshumi amabili lanye abotshwa etshengisela ngomnyaka odluleyo ekhonona kunkampani ye ZESA ngokuqhatsha abantu abavela ezigabeni ezitshiyeneyo zeMashonaland abedlula amakhulu amahlanu bezokwenza imisebenzi engadingi imfundo kulinkampani eseMganwini koBulawayo.
Kodwa uSibindi loMoyo batholakale belecala lokuqoqa ukutshengisela lokhu, kanye lokuthwala ugwalo lwepetition olubikwa lwalusayinwe ngabantu abanengi bevumelana labo.
Esethula isigwebo umahluli uMnu. Chrispen Mberewere uthe akusiqiniso ukuthi izigaba zemaNdebeleni ziyabandlululwa njalo ukuvalwa kwamankampani kwenzakala elizweni lonke.
Kodwa uMoyo loSibindi labo bakhululwe kucala le Criminal Nuisance ndawonye lamalunga alinhlanganiso kanye lezakhamizi ezingamatshumi amabili lanye.
Inhlangnaiso le yayetheswe amacala amathathu phezu kodaba olufanayo, kodwa elinye lesulwa.
Ukuze sizwe okunengi ngaloludaba, uSithandekile Mhlanga weStudio 7 uxoxe lesiphathamandla Asizweni okunengi ngaloludaba kungxoxo esiyiqhube lesiphathamandla salinhlanganiso uMnu. Allan Mlalazi, yena othi inhlanganiso yakhe ayilankethabetshabi ngoba kwakulabantu abavela ezigabeni zeMashonaland labo ababetshengisela.
Inhlanganiso le ithi kusobala ukuthi ababili laba; uMnu. Mqondisi Moyo loMnu. Busani Sibindi kabalacala njalo lemali abayihlawuliswayo iphezulu kakhulu kukanti ayihambelani lesigwebo sabo kumbe icala abeletheswayo.
Amalunga enhlanganiso le, angamatshumi amabili lanye abotshwa etshengisela ngomnyaka odluleyo ekhonona kunkampani ye ZESA ngokuqhatsha abantu abavela ezigabeni ezitshiyeneyo zeMashonaland abedlula amakhulu amahlanu bezokwenza imisebenzi engadingi imfundo kulinkampani eseMganwini koBulawayo.
Kodwa uSibindi loMoyo batholakale belecala lokuqoqa ukutshengisela lokhu, kanye lokuthwala ugwalo lwepetition olubikwa lwalusayinwe ngabantu abanengi bevumelana labo.
Esethula isigwebo umahluli uMnu. Chrispen Mberewere uthe akusiqiniso ukuthi izigaba zemaNdebeleni ziyabandlululwa njalo ukuvalwa kwamankampani kwenzakala elizweni lonke.
Kodwa uMoyo loSibindi labo bakhululwe kucala le Criminal Nuisance ndawonye lamalunga alinhlanganiso kanye lezakhamizi ezingamatshumi amabili lanye.
Inhlangnaiso le yayetheswe amacala amathathu phezu kodaba olufanayo, kodwa elinye lesulwa.
Ukuze sizwe okunengi ngaloludaba, uSithandekile Mhlanga weStudio 7 uxoxe lesiphathamandla Asizweni okunengi ngaloludaba kungxoxo esiyiqhube lesiphathamandla salinhlanganiso uMnu. Allan Mlalazi, yena othi inhlanganiso yakhe ayilankethabetshabi ngoba kwakulabantu abavela ezigabeni zeMashonaland labo ababetshengisela.
Your browser doesn’t support HTML5
Ingxoxo loMnu. Allan Mlalazi