UMnu. Mthuli Ncube, osanda kukhethwa nguMongameli Emmerson Mnangagwa ukuba ngumphathintambo wezemali, uthi kumele kubiselwe idola leZimbabwe.
UNcube wethule lokhu ngesikhathi ekhuluma lentathelizindaba esesigodlweni sikamongameli eHarare lapho afungiswe khona labanye bakhe ukuthi baqalise umsebenzi welizwe.
Uthi uzakwethula okumele kwenziwe ngemali yelizwe leZimbabwe ekupheleni kwenyanga kulokho okubizwa ngokuthi yiMonetary Policy Statement.
UNcube uthi basebenza kancane kancane kuze kubiselwe idola leZimbabwe ukwenzela ukuthi umnotho welizwe uthuthuke ngemfanelo.
Your browser doesn’t support HTML5
UMnu. Mthuli Ncube Uthi Kumele Kubiselwe Idola leZimbabwe
Kodwa-ke abanye abantu bathi kuyesabisa ukuthi kubiselwe idola leZimbabwe elenza ukuthi umnotho uphose udilike kusukela ngomnyaka ka2000 kusiyafika umnyaka ka2008.
Kulabanye njalo abasekela okufiswa nguMnu. Mthuli Ncube abanjengo Mnu. Muzi Ncube webandla leMDC-T elikhokhelwa nguNkosazana Thokozani Khupe.
Your browser doesn’t support HTML5
Ingxoxo Esiyenze loMnu. Muzi Ncube
UNkosikazi Priscilla Ndlovu, ingcwethi kwezombusazwe, laye uthi uyakusekela okwenziwa nguMnu. Mthuli Ncube.
Your browser doesn’t support HTML5
Ingxoxo Esiyenze LoNkosikazi Priscilla Ndlovu
Ilizwe leZimbabwe lalahla idola kulandela ukugugudeka kwalo ukwesabekayo.