Inhlanganiso elwela amalungelo ezakhamizi eye Bulawayo Progressive Residents Association ithi ilungiselela ukuhlangana lomsekeli kamongameli uMnu. Phelekezela Mphoko ukuthi ixoxisane laye ngenjongo yokulungisa okuhluphayo kulelidolobho okugoqela ukuswelakala kwamanzi kanye lokuvalwa kwamafekithali.
Isiphathamandla salinhlanganiso njalo eyisiphathamandla senhlanganiso ebona ngamalungelo ezisebenzi eye Zimbabwe Congress of Trade Unions, uMnu. Ambrose Sibindi uthi inengi lezakhamizi aliphathekanga emihlanganweni kaMnu. Mphoko ngempelaviki edluleyo ngoba licabanga ukuthi uhlangana lamalunga ebandla lakhe eleZANU PF kuphela.
UMnu. Sibindi utshele uSithandekile Mhlanga weStudio 7 ukuthi inhlanganiso yakhe ilethemba lokuthi kuzakuba lomahluko ovela kuhulumende ngoba uMnu. Mphoko ebonakala ehambela abantu makhaza okwedlula abasekeli bakamongameli ababephambi kwakhe ababengamalunga ePF ZAPU.
Your browser doesn’t support HTML5
Ingxoxo LoMnu. Ambrose Sibindi