Ibandla leMDC-T lithi uMnu. Morgan Tsvangirai ogulayo kayindawo loba egula okumangalisayo.
UMnu. Elias Mudzuri, ophethe isikhundla sikaTsvangirai okwamanje, wethule umbiko lamuhla esithi kungamanga okubikwa ngamanye amaphephandaba lemisakazo ukuthi uTsvangirai usezatshiya isikhundla sikamongameli weMDC-T.
UMudzuri uthi uTsvangirai, olesifo semvukuzane, ukhangelelwe ukuthi uzancintisa kukhetho lukamongameli oluzakwenziwa linyaka.
UTsvangirai, osanda kwethekelelwa nguMongameli Emmerson Mnangagwa endlini yakhe eHighlands eHarare othe ubesiyamkhangela ukuthi uzwa njani emzimbeni, ukhangelelwe ukuthi uzakuya kwele South Africa lamuhla lapho azakwelatshwa khona.
UTsvangirai wenze umhlangano loMudzuri lamuhla lapho abakhulume khona ngesimo somnotho welizwe njalo langokulungiselela ukhetho oluzayo.
Kulabantu abanengi abathi uTsvangirai sokumele atshiye isikhundla sikamongameli webandla leMDC-T ngoba uyagula okumangalisayo.
Akwaziwa ukuthi isikhundla lesi singathathwa ngubani angekela ezombusazwe.