UMongameli Emmerson Mnangagwa ubikwa esithi usekwazi ukuthi yiwaphi amalunga ebandla lakhe leZANU PF, anqoba kukhetho lwephalamende, akhuthaza abasekeli bawo ukuthi bengamvoteli yena ngokwakhe, abakubiza ngokuthi yi-bhora musango.
UMnangagwa ukhulume lamazwi emhlanganweni obuqoqwe libandla lakhe eHarare, owokuthakazelela ukunqoba kukhetho olusanda ukwedlula.
Uphinde wahoza umanyano weMDC Alliance, esithi lanxa ibandla leZANU PF lingawunika ezinye izihlalo ezingamatshumi ayisithupha lantathu-63, elawutholayo, awusoze ufice inani lezabo ezilikhulu lamatshumi amane lane-144.
Lokhu kwenzakala iPolitburo yebandla leZANU PF ithe gwaqa ngoLwesine ntambama eHarare, icubungula okuphathelane lokhetho.
Isiphathamandla sebandla leZANU PF, uMnu. Believe Gaule, uthi kuliqiniso ukuthi kulamalunga aziwa ngokuthi yiGeneration 40 angafuni ukuthi uMnu. Mnangagwa abe ngumongameli.
Your browser doesn’t support HTML5
Ingxoxo loMnu. Believe Gaule