Okhethwe nguMongameli Mugabe ukuba ngomunye wabasekeli bakhe uMnu Emmerson Mnangagwa uthi uzasebenza gadalala ukuncedisa ukuqhuba inhlelo zikahulumende ezentuthuko.
Ekhuluma leStudio 7 ngoLwesine, uMnangagwa ulandule njalo ukuthi kulenzondano phakathi kwakhe loNkosikazi Joice Mujuru, yena oxotshwe esikhundleni sakhe nguMugabe ngoMvulo.
UMnu Mnangagwa uthi inzondano le ibikwa ngamaphephandaba kukhela, kodwa yena loMujuru ngabantu abakhulumisana kuhle.
Abamzondayo uMunangagwa bathi waphatheka kumbuqazwe weGukurahundi, kuthi abamthandayo abathi kumele abe ngumkhokheli welizwe nxa uMugabe esesukile embusweni.
Your browser doesn’t support HTML5
Ingxoxo loMnu. Emmerson Mnangagwa
Ukuhlaziya amazwi kaMnangagwa uNtungamili Nkomo weStudio Seven uxhume ingcwethi kwezombusazwe uMnu Dumisani Nkomo yena othi ubalekela iqiniso nxa esithi akulanzondano phakathi kwakhe loMujuru.
Your browser doesn’t support HTML5
Ingxoxo loMnu. Dumisani Nkomo