UMongameli Emmerson Mnangagwa uthi uzahlatshwa ijekiseni yokuvikela iCovid-19 kanye labaphathintambo bakahulumende wakhe ngoba ijekiseni le ayilangozi ebantwini kanti njalo iyawuvikela lokuwelapha umkhuhla lo.
Ngokunjalo, uthi uzulu laye kumele ahlatshwe kuqedwe lumkhuhlane.
UMnangagwa wethule amazwi la emngcwabeni weqhawe lesizwe uMnu Moses Griffiths Mpofu eHeroes Acre ngoMgqibelo.
Umsekeli wakhe uMnu Constantino Chiwenga ube ngowakuqala ukuhlatshwa ijekiseni le elungiswe yinkampani yakweleChina, iSinopharm, ngoLwesine.
Imijovo yamajekiseni la isifikile ezabelweni njalo ukuhlatshwa kwabezempilakahle kuzaqala ngoMvulo.
Umgcinisihlalo wezempilakahle kukhansili yakoBulawayo uNkosikazi Sinikiwe Mutanda utshele iStudio 7 ukuthi imithi le igcinwe yikhansili, yona athi izadlala indima enkulu ekuhlatshweni abantu kulelidolobho.
Kusenjalo, kubhubhe abantu abalitshumi nge-coronavirus eZimbabwe ngoLwesihlanu njalo kwatholakala abalikhulu elilamatshumi ayisithupha lasikhombisa, 167 belomkhuhlane lo.
Lokhu kukhweze inani lasebebhubhile laya ku1,430. Asebefunyenwe belomkhuhlane lo bona bakhuphuke baya ku35,710.
Your browser doesn’t support HTML5
Ingxoxo loNkosikazi Sinikiwe Mutanda