WASHINGTON —
Ibandla leMDC-T lithi umphathintambo obona ngokwethulwa kwembiko uMnu Jonathan Moyo uyaphupha ngamazwi okuthi umumo wezenotho usunganeno njalo izizalwane zeZimbabwe ezikwamanye amazwe seziphenduka ekhaya ngobunengi.
UMnu Moyo wethule amazwi la kungxoxo ayenze lomsakazo weBBC ngoMvulo ekuseni kuhlelo oluthiwa HardTalk.
Kodwa obona ngokuqhutshwa kwenhlelo kuMDC-T uMnu Abednico Bhebhe uthi uyammangala ukuthi uMoyo uhlala kuliphi ilizwe ngoba iqiniso kuyikuthi umnotho ubhidlika ngamandla njalo abantu abanengi bayasuka elizweni besiyadinga amadlelo aluhlaza kwamanye amazwe.
Your browser doesn’t support HTML5
Ingxoxo loMnu Abednico Bhebhe