Umongameli weMDC-T, uMnu. Morgan Tsvangirai, usebhodabhode ilizwe lonke ekhankasa esithi nxa kungela nguquko ezakwenziwa emithethweni yokhetho akuyiwa uku yavota.
Umkhankaso lo owaphiwa igama lokuthi “No Reforms No Elections” wasetshenziswa kukhetho lwama by elections ngenyanga kaNhlangula lapho iZanu PF eyazenzela umathanda yathaphuza izihlalo zonke ezilitshumi lane ngoba amacele wonke eMDC engaphathekanga kukhetho.
Kodwa iziphathamandla zebandla lika Tsvangirai’s zitshele iStudio Seven ukuthi zilungiselela ukhetho lukamnyaka ka 2018. Ngalokho lelibandla lithi lithuma iqula emazweni ambalwa awe Europe ukuthi lazise ohulumende bamazwe la ngamalungiselelo okhetho.
Ngenyanga edluleyo isiphathamandla sikahulumende weleMelika, uMnu. Gregory Simpkins wazisa ukuthi uhulumende wakhe kathakazeleli uhlelo lweMDC-T lolu olokungaphatheki kukhetho esithi lelibandla lizazi njani ukungamanga kahle kwemithetho yokhetho.
Unobhala jikelele weMDC-T, uMnu. Douglas Mwonzora utshele iStudio Seven ukuthi bazangena kukhetho luka 2018 ngoba abathandabuzi ukuthi imithetho iyabe isiguquliwe.
Lokhu kugcizelelwe ngumskeli wesikhulumeli sebandla leli, uNkosazana Thabitha Khumalo kungxoxo ayenze loChris Gande weStudio Seven.
Your browser doesn’t support HTML5
Ingxoxo loNkosazana Thabitha Khumalo
Ingcwethi ecubungula ezombusazwe, uMnu. George Mkhwananzi utshele iStudio ukuthi ibandla leMDC-T kumele liqale lichasisele uzulu obala ukuthi kanti vele kuyini abafuna ukuthi kulungisiswe bengakayi kukhetho.
Your browser doesn’t support HTML5
Ingxoxo loNkosazana Thabitha Khumalo