Abalandeli bebandla leMDC elikhokhelwa nguMnu. Nelson Chamisa bazatshengisela emigwaqweni namuhla bekhonona ngokuhlupheka kwabantu eZimbabwe.
Isikhulumeli sebandla leli, uMnu. Jacob Mafume, uthi kumele abatshengiselayo benze lokhu ngokuthula njalo bagqoke izembatho ezimhlophe kumbe ezamabandla okholo lweSiKhristu.
UMafume uthi abantu abanengi sebesehluleka ukuziphilisa kulandela ukhetho olwenziwe ngoNtulikazi lonyaka. Uthi kabesabi ukudutshulwa ngabezomvikela njengalokhu okwenzakala eHarare ngoNcwabakazi okwafa abantu abayisithupha okucatshangelwa ukuthi babulawa libutho.
Umlandeli webandla leli, uMnu. Handel Mlilo, uthi ukutshengisela lokhu kuzavezela uMongameli Emmerson Mnangagwa ukuthi kunengi okuhluphayo kwele Zimbabwe.
Kulemibiko ethi abatsha bebandla leZanu PF labo bathi bazatshengisela emigwaqweni eHarare ngesikhathi esifanayo okulakho ukuthi kudale ukuxabana kwabalandeli bamabandla la.
UMnu. Believe Gaule okudale leCentral Committee kubandla leZanu PF uthi ibandla leMDC lenza okungalunganga.