Ibandla leMDC lithi lifuna ugwalo lwe report olumumethe okwaphuma ngemva kokudingisisa ngodlakela olwaqhamuka eHarare mhlaka 1 kuNcwabakazi lonyaka yikhomishini ekhokhelwa nguMnu. Motlanthe lucutshungulwe kulelidale ngoba kunengi elingavumelani lakho.
Ummeli weMbizo edale lephalamende uMnu. Settlement Chikwinya nguye okhweze lesi isicelo kulelidale njalo isiphathamandla sebandla leZANU PF uMnu. Ziyambi Ziyambi uvumelane laye esithi ugwalo lwe report solusemphakathini njalo akukho okufihlwayo kulo.
Umsekeli wesikhulumeli seMDC uDr. Bekithemba Mpofu uthi kunengi ibandla lakhe elikusolayo okulotshwe kulolugwalo.
Your browser doesn’t support HTML5
Ingxoxo loMnu. Bekithemba Mpofu
Kusenjalo, izakhamizi zakoBulawayo zamukele ngemibono ehlukeneyo impumela yalolucwaningo, abanye besithi kudlaliswe isikhathi lemali yesizwe. Abanye njalo bathi ababoni uhulumende elandela izixwayiso zalikhomishini ngoba besithi ulesandla ekubulaweni kwabantu ababengahlomanga.
Your browser doesn’t support HTML5
UAnnahstacia Ndlovu Uyalandisa