Idale laphezulu eleConstitutional Court linqume ngoLwesithathu ukuthi udaba olwakhwezwa ngamalunga edale lephalamende asuka kubandla leMDC-T esiyabumba ele MDC Renewal olokuxotshwa kwabo kulelidala kufanele luhluzwe ngesiphange-phange ngumthehwandaba njengoba umongameli Mugabe esebeke ilanga lokukhetha abazathatha izihlalo zabaxotshiweyo kulelidale
Esethula lesisinqumo, umahluli uJustice Godfrey Chidyausiku uthe udaba lolu luzahluzwa mhlaka 14 ngenyanga ezayo ngaphambilini kokuhlala kwe nomination court mhlaka 16 ngenyana efanayo. Ukhetho lona lukhangelelwe ukuqhutshwa ziku 10 kuNhlangula.
IRenewal Team ithi amalunga alo afuna ukuncintisa engakwenza lokhu ezimele njalo engancediswa libandla.
Isiphathamandla salelibandla uMnu. Albert Mhlanga utshele uSithandekile Mhlanga weStudio 7 ukuthi lanxa ibandla lakhe lisamukela lesisinqumo, ibandla lakhe alilathemba lokuthi umthethwandaba uzahluza loludaba ungathathi uhlangothi kwezombusazwe.
Your browser doesn’t support HTML5
Ingxoxo LoMnu. Albert Mhlanga
Kusenjalo, umthethwandaba ukhangelelwe njalo ukunquma kusasa kudaba lwababeyiziphathamandla zebandla leZANU PF uMnu. Didymus Mutasa loMnu. Temba Mliswa labo abaphikisa ukuxotshwa edale lephalamende