Ibandla leMDC lithi umkhokheli wabo, uMnu. Nelson Chamisa, ukhuthwe zinhlamvu zombhobho ehlanyela izihlahla eMarondera namuhla labanye bakhe.
Isikhulumeli sikaChamisa, uDokotela Nkululeko Sibanda, uthi akulamuntu ofileyo eDombodombo Clinic lapho amapholisa asebenzise inhlamvu ezama ukwethusela abalandeli bebandla leli ukuthi basuke kuleyo ndawo.
USibanda uthi kulabanye abantu abalimele kusehlakalo lesi esitshiye abanengi bebambe owangaphansi.
Your browser doesn’t support HTML5
Ingxoxo Esiyenze LoDokotela Nkululeko Sibanda
Isikhulumeli samapholisa, uAssistant Police Commissioner Paul Nyathi, uthi ngamanga ukuthi amapholisa asebenzise imibhobho. Uthi kusetshenziswe intuthu ehitshayo ukuthi kuxotshwe abalandeli bebandla leMDC akade besemhlanganweni ongabikelwanga amapholisa.
Kodwa-ke uSibanda uthi bakhuthwe zinhlamvu behlanyela izihlahla.
UMnu. Joseph Tshuma, olilunga lebandla leZanu PF, uthi kudida ingqondo okuthiwa kwenziwe ngamapholisa.
Your browser doesn’t support HTML5
Ingxoxo Esiyenze LoMnu. Joseph Tshuma