Izizalwane zeZimbabwe ezihlala eBhilithane zilemqondo etshiyeneyo ngokuswa kodaba lokuqilwa enkantolo yeConstitutional Court oluhanjiswe ngumkhokheli womanyano weMDC Alliance, uMnu. Nelson Chamisa.
UMnu. Chamisa uthi ulobufakazi bokuthi waqilwa kumpumela yokhetho olusanda kwenziwa yikomishini yeZimbabwe Electoral Commission iZEC.
Uthi amavoti akhe anikezwa uMongameli Emerson Mnangagwa.
UNkosazana Assa Moyo uthi kakuvumi ukuthi uMnu. Chamisa wanqoba kukhetho lukamongameli.
“UChamisa wadliwa, kakhohlwe nje ngalokhu, asikhohlweni noma iZanu yariga yebo they say that but okusalayo okukhona yikuthi asimuveni on sikhohlwe kuzabonakala after 5 years ukuthi kwenzakalani thats when maybe okungasiwana khona emacourt again ma ingariga futhi iZanu because manje hayi asikhohlweni.”
UMnu. Thabani Sibanda uthi omantshi bemthethwandaba weZimbabwe bakhethwa nguhulumende weZanu PF ngakho-ke kaboni ukuthi kubalempumela yomthethwandaba engaguqula okwethulwe yiZEC.
“Mina ngibona engathi iMDC loChamisa bazichithela isikhathi ukuthi bathathe udaba lolu baluse enkantolo, bengaze bafune amagqwetha ayi 50 okusalayo amamantshi lawa ngawasezimbabwe ngaweZanu PF, ekugcineni yibona abazathatha izinqumo ngalolodaba.”
Abanye bathi omantshi sebesebenza bekhululekile njalo sebezimele bodwa lokhu kwasuswa esikhundleni owayengumongamelu uMnu. Robert Mugabe owayebancindezela.
UMnu. Alex Ndebele ngomunye wabo. “IJudiciary okwakathesi isizimele ayiseyiyo leyana ekaMugabe esiyibonileyo. Sizibonile into ezinengi zisenzakala, abantu bevunyelwa ukudemostrator besenzani konke nje kuhamba emacourt, amacourt esipha izinqumo ezingela bias. Ngilethemba ukuthi okuzakuthi kuphume kuConCourt yikho isinqumo esiyabe siliemfanelo.”
Ingcwethu zithi ubufakazi obethulwe ngumkhokheli weMDC Alliance abujulanga okokuthi umthethwandaba weConstitutional Court ulakho ukulahlela khatshana loludaba.
Kodwa-ke umanyano weMDC Alliance uthi balobufakazi obuzalahla phansi uMnangagwa.
Inengi labantu lithi sebekhathele ngezombuszwe njalo osekuqakathehekile yikuthi ilizwe lilungiswe impilo iyephambili.
Your browser doesn’t support HTML5
Udaba Esilethulelwe NguEzra Tshisa Sibanda