Ibandla leMovement for Democratic Change Alliance, elikhokhelwa nguMnu. Nelson Chamisa, lithi uhulumende kaMongameli Emmerson Mnangagwa uzama ukubumba ilizwe elilebandla elilodwa. okuthiwa ngeSilungu yi-one party state.
UDokotela Nkululeko Sibanda, isikhulumeli sika Chamisa, uthi lokhu kuvezwa yikubotshwa kwabanye abaphikisa uhulumende abakubandla leli.
Bagoqela omele iHarare West edale lephalamende, uNkosazana Joanna Mamombe loNkosazana Cecilia Chimbiri, abavalele eChikurubi Maximum Prison.
Kuthiwa bephula iziqondiso zohlelo lokuvikela uzulu kumkhlane weCOVID-19 kulandela ukutshengisela kwabo phandle komthethwandaba bekhonona ngokubotshwa kwabanye babo.
Your browser doesn’t support HTML5
Nkululeko Sibanda: UMnangagwa Uzama Ukubumba Uhulumende
Kodwa abalandela ibandla leZanu PF, bathi bayadedesa abalandeli bebandla leMDC Alliance.
Your browser doesn’t support HTML5
Joseph Tshuma: UMnangagwa Kabumbi Uhulumende Kantando Kayiphikiswa
UMnu. Joseph Tshuma, owake wamela iPelandaba/Mpopoma edale lephalamende ekubandla leZanu PF, uthi kuyamangalisa okukhulunywa ngabalandeli bebandla eliphikisayo.