Lusemilonyeni yabanengi udaba lokutshiya umsebenzi kobengumsekeli kaMongameli uMnu Kembo Mohadi ngemva kokwetheswa amacala okuya emacansini lamakhosikazi abanikazi ehofisini yakhe.
UMohadi utshiye umsebenzi ngoMvulo esithi lanxa ewaphika lawamacala, ukubone kufanele ukuthi ehle esihlalweni ukuze udaba lwakhe lungangcolisi uhulumende.
Udaba lukaMohadi lolu lwachaywa yinkundla yeZimLive yona eyethula ingxoxo ethi zazisenzakala encingweni phakathi kwakhe labesifazana abatshiyeneyo lapho ayecela khona icansi kumbe beqoqa ukuya emacansini.
Inengi selimelele ukubona ukuthi uMongameli Emmerson Mnangagwa uzafaka bani esikhundleni sikaMohadi.
Ocubungula ezombusazwe uMnu Mbuso Fuzwayo utshele iStudio 7 ukuthi uMohadi engaba ephoqwe nguMnangagwa ukuthi asuke esihlalweni.
Your browser doesn’t support HTML5
Ingxoxo loMnu Mbuso Fuzwayo