HARARE —
Inhlanganiso ezisebenzelana labesifazane kanye lamalunga esifazane edale lephalamende baveza ukuba kuqakathekile ukuba inani labameli besifazane lengezwe, kuhambelane lobunengi babo elizweni njengoba beyibo abanengi bekusilinganiso sokungamatshumi amahlanu lambili ekhulwini ( 52% ).
Lezi nhlanganiso zibika ukuba lokhe lisehla inani labesifazane abaphatheka kwezombusazwe elizweni nxa kukhangelwa eminyakeni embalwa edlule.
Udaba lokulinganiswa kwamathuba phakathi kwabesilisa labesifazane luzaqhubeka luliphupho nje nxa abesifazane bezabo lokhe besilela kulabo ababamela kuzo zonke indaba eziphathelene lezombusazwe elizweni.
Zithi lezizinhlanganiso, ukuphatheka kwabesifazane kubalulekile ngoba kuphathisa kundaba zokuphathwa ngendlela kwezokubuswa kuhle elizweni.
Unkosazana Kimberly Da Costa Nyatanga usebenzelana lenhlanganiso Women in Politics Support Unit emela njalo engomela inhlanganiso yomanyano wenhlanganiso zonke ezisebenzelana labesifazane elizweni eye Women's Coalition of Zimbabwe kanye leye.
Uthi u Nyatanga,kwasungulwa indlela yokukhulumisana phezu kokuphatheka kwabesifazane kwezombusazwe eye ' The Women Situation '.
Kuyadanisa,kutsho unkosazana Nyatanga,ukuba lokhe bebandlululwa abesifazane elizweni nxa kukhangelwa ezombusazwe kakhulukazi abemaphandleni lalabo abangabantukazana nje .
U Dr Charity Manyeruke,omunye wabafundisa esikolo semfundo yaphezulu esikolo se University of Zimbabwe uthi bunengi ubunzima abesifazane abafisa ukungena kwezombusazwe bahlangane labo kusukela kukhetho lokudinga abazakumele amabandla kukhetho emabandleni wonke elizweni.
Unkosazana Hlengiwe Dube owenhlanganiso ebona ngezokucubungula kakhulukazi kundaba zabesifazane enhlanganisweni ye Media Monitoring Project Zimbabwe yena uveze ukuba kuqakathekile ukuba baphatheke labo abesifazane hatshi kundaba zezombusazwe kuphela kodwa kizo zonke izikhundla zobukhokheli elizweni.
Uthi uMaDube bengangena bebanengi kuzikhundla zobukhokheli abesifazane kuzaphathisa ukuba zikhangelwe ngendlela zonke indaba eziphathelene labo ngoba bekuzwisisa lokho abakhuluma ngakho.
EleZimbabwe lokhe lingakafinyeleli kusilinganiso okwavunyelanwa ngaso enhlanganisweni ye SADC esikubeka sobala ukuba kube khona ukulingana kwenani lalabo abaphethe izikhundla zobukhokheli ese 50-50 representation.
Ngakho lezingcwethi zithi sikhangelele ukuqansa kwalelinani kakhulukazi edale le phalamende ngesikhathi kukhethwa inkokheli kukhetho oluzayo ngomnyaka ka 2018.
Lanxa bengani banenganyana lonyaka abesifazane edale lephalamende,banengi ngoba bakhona abakhethwa ngaphansi kwe proportional representation hatshi ukuncintisa,abangena ngokukhethwa nguzulu bebalutshwana.
Lezi nhlanganiso zibika ukuba lokhe lisehla inani labesifazane abaphatheka kwezombusazwe elizweni nxa kukhangelwa eminyakeni embalwa edlule.
Udaba lokulinganiswa kwamathuba phakathi kwabesilisa labesifazane luzaqhubeka luliphupho nje nxa abesifazane bezabo lokhe besilela kulabo ababamela kuzo zonke indaba eziphathelene lezombusazwe elizweni.
Zithi lezizinhlanganiso, ukuphatheka kwabesifazane kubalulekile ngoba kuphathisa kundaba zokuphathwa ngendlela kwezokubuswa kuhle elizweni.
Unkosazana Kimberly Da Costa Nyatanga usebenzelana lenhlanganiso Women in Politics Support Unit emela njalo engomela inhlanganiso yomanyano wenhlanganiso zonke ezisebenzelana labesifazane elizweni eye Women's Coalition of Zimbabwe kanye leye.
Uthi u Nyatanga,kwasungulwa indlela yokukhulumisana phezu kokuphatheka kwabesifazane kwezombusazwe eye ' The Women Situation '.
Kuyadanisa,kutsho unkosazana Nyatanga,ukuba lokhe bebandlululwa abesifazane elizweni nxa kukhangelwa ezombusazwe kakhulukazi abemaphandleni lalabo abangabantukazana nje .
U Dr Charity Manyeruke,omunye wabafundisa esikolo semfundo yaphezulu esikolo se University of Zimbabwe uthi bunengi ubunzima abesifazane abafisa ukungena kwezombusazwe bahlangane labo kusukela kukhetho lokudinga abazakumele amabandla kukhetho emabandleni wonke elizweni.
Unkosazana Hlengiwe Dube owenhlanganiso ebona ngezokucubungula kakhulukazi kundaba zabesifazane enhlanganisweni ye Media Monitoring Project Zimbabwe yena uveze ukuba kuqakathekile ukuba baphatheke labo abesifazane hatshi kundaba zezombusazwe kuphela kodwa kizo zonke izikhundla zobukhokheli elizweni.
Uthi uMaDube bengangena bebanengi kuzikhundla zobukhokheli abesifazane kuzaphathisa ukuba zikhangelwe ngendlela zonke indaba eziphathelene labo ngoba bekuzwisisa lokho abakhuluma ngakho.
EleZimbabwe lokhe lingakafinyeleli kusilinganiso okwavunyelanwa ngaso enhlanganisweni ye SADC esikubeka sobala ukuba kube khona ukulingana kwenani lalabo abaphethe izikhundla zobukhokheli ese 50-50 representation.
Ngakho lezingcwethi zithi sikhangelele ukuqansa kwalelinani kakhulukazi edale le phalamende ngesikhathi kukhethwa inkokheli kukhetho oluzayo ngomnyaka ka 2018.
Lanxa bengani banenganyana lonyaka abesifazane edale lephalamende,banengi ngoba bakhona abakhethwa ngaphansi kwe proportional representation hatshi ukuncintisa,abangena ngokukhethwa nguzulu bebalutshwana.