Izakhamizi zakoBulawayo ziveze ukukhathazeka okukhulu ngokuqhubeka kwenhlupho zokusilela kwemali emabhanga kanye lamafutha ezimota kulelo dolobho.
Usomabhizimusi, uMnu Mathew Sibanda uthi lokhu sekuphazamisa inhlelo zakhe zokuqhuba ibhizimusi.
''Ukusilela kwemali emabhanga sekudlulise amalawulo ngoba akulamali etholakalayo laloba uhulumende ethe wadinda imali entsha. Abantu emabhanga sebephiwa amatshumi amahlan u amadola abanye abatholi lutho. Kodwa uMthuli Ncube wathembisa ukuba abantu bazathola amakhulu amadola emabhanga. Le Ecocash abasayivumi emvinkilini, emagalajini amafutha ezimota, sibi sakhe uhulumende uma uthela imota abasayivumi imali yebulenjini yeEcocash bathi isiginya imali. Silobunzima obukhulu kumabhizimusi ngesikhathi sekhefu sisebenza nzima. Inengi lamabhizimusi abasayivumi iEcocash sebevuma amakhadi ebhanga.''
UMnu Thomas Sithole isakhamuzi sakoBulawayo uthi ukusilela kwemali emabhanga kukhulisa ubugwelewele.
''Ukusilela kwemali emabhanga kuyaphambili loba uhulumende elethe imali entsha udubo luyaphambili. Indwendwe ezisemabhanga ziyadanisa abantu bayayiswela imali emabhanga. Lokhu kudubeka sekungezelelwe layikungasebenzi kahle kweEcocash yona esetshenziswa ngabantu abanengi ibatshiye ebunzimeni, abanye badlelwe imali zabo njalo abesenelisi ukwenza lutho imali zabo zivalelwe eEcocash.''
UNkosazana Makhosemvelo Gumede uthi ukusilela kwamafutha ezimota sokubangela ubuqili lengozi zemigwaqo.
''Ukusilela kwemali emabhanga sekusiphilisa nzima, ngivukele ebhanga ngaphiwa amatshumi amane amadola ngemva kokuba ngivukele ukuyalayinela imali. Indodana yami isithatha isikhathi elayinele amafutha emota, lokhe sekuzadala ukuba ubuqili bande ezweni noba lemali sesiyithenga emkambo wensitha. Inozi azisapheli kuminyene lamalayini awapheli lokhu kusiphilisa nzima.''
Ngesikhathi esethula imali entsha yelizwe ngomnyaka odlule, umphathintambo wezemali, uMnu Mthuli Ncube uthembise uzulu ukuba usezakwenelisa ukuthola amakhulu amathathu amadola emabhanga ngeviki njalo udubo lokusilela kwemali seluzaphela kodwa udubo lolu lokhu luqhubekela phambili, lendwendwe emabhanga lemagalajini sekuyinhlalayenza. Okukhanya sokuhlukumeza abanengi khathesi yikuthi bebecabanga ukuthi mhlawumbe kuzaba ngcono ngemva kwekhefu lapho sebelungiselela ukuvulwa kwezikolo kodwa kakunjalo.
Your browser doesn’t support HTML5
Udaba lokusilela kwemali lamafutha ezimotha koBulawayo siluphiwa nguAnnahstacia Ndlovu