WASHINGTON —
Amapholisa athi inani labantu asebefele engozini zomgwaqo selifike kumatshumi ayisitshiyagalombili lasitshiyagalombili, 88.
Inani leli ledlula kancane elabantu abafele emigwaqweni nyakenye ngasikhathi sinye.
Isikhulumeli samapholisa uMnu Paul Nyathi uthi abatshayeli kumele bahambe ngonanzelelo.
Abantu abanengi bakhangelelwe ukwethekelela izihlobo labangane endaweni ezitshiyeneyo zelizwe ngaphambilini kwekhefu leNew Year.
Ugatsha lweTraffic Safety council of Zimbabwe (TSCZ) luthi ingozi zomgwaqo ezinengi zibangelwa ngabantu abehluleka ukutshayela ngonanzelelo. Abanye ngabayabe bedakiwe.
Ilunga ledale lephalamende uMnu Albert Nyathi, ohlala kukomidi yalelidale ebona ngezemigwaqo uthi enye imbangela yizimota ezingalungelanga ukuhamba emgwaqweni.