Ukulwisana kwamacele eMDC okubangele ukuxotshwa kwamalunga eMDC Renewal angamatshumi amabili lanye edale lephalamende sokutshiye abanengi abaphikisa umbuso weZanu PF belahlekelwe lithemba.
Esikhathini esedluleyo sokuke kwaba lemizamo ebanzi yokumanyanisa inxezu zeMDC, kodwa kwehlule lokhu.
Ukuxotshiswa kwamalunga eRenewal ephalamende yiMDC-T kwenze ukuzondana okuvele kukhona phakathi kwamabandla la kwadlondlobala ngamandla.
Lanxa abeMDC-T bezitshaya isifuba, abanengi bathi lelibandla liphambanisile ngoba izihlalo ezitshiywe ngamalunga eMDC Renewal zilakho ukuthathwa libandla leZanu PF kungayiwa kukhetho.
Ukuhlaziya loludaba sixhume ingcwethi kwezombusazwe uMnu Rejoice Ngwenya lomqondisi wenhlanganiso yeBulawayo Agenda uMnu Mmeli Dube laye ocubungula ezombusazwe.
Siqale ngokubuza uNgwenya ukuthi ulibona njani elakusasa lamabandla aphikisayo eZimbabwe.
Your browser doesn’t support HTML5
Ingxoxo loMnu Rejoice Ngwenya loMnu Mmeli Dube