Ibandla elitsha elisanda kubunjwa elamaLiberal Democrats lithi liphakathi komkhankaso wokudinga amagqwetha ezamalungelo oluntu azakuyelwela umongameli Robert Mugabe emthethwandaba ngoba bekholwa ukuthi kulabathile abambamba ngamandla ukuthi aqhubeke elokhu ebusa.
Osaphethe isikhundla somkhokheli waleli bandla uDr Vusumuzi Sibanda uthi bazakhweza loludaba emthethwandaba besebenzisa umthetho okhuthaza ukuvikelwa kwamalungelo asebekhulile. USibanda uthi inyathelo labo leli libangelwe yizehlakalo ezinengi esezenzakale empilweni kaMugabe, ezikhombisa ukuthi ubanjwa ngamandla ukuqhubeka ebusa.
Sekhulule umkhulu akasafuni ukuba lapha ahleli khona. Usefuna ukuphumula kusobala ngoba siyabona ehamba esiwa kuzo zonke indawo, ekhuluma emile kodwa elala, esozela, okukhomba ukuthi umzimba ukhathele. Yena yedwa siqinisekile ukuba akasafuni ukuhlala embusweni. Ubanjwe ngamandla.
Osaphethe isikhundla sesikhulumeli sebandla leli, umnumnzana Farai Goodmore Mudzembwe, uthi baphakathi kwamalungiselelo okuyacela umthethwandaba ukuthi uvikele umongameli Mugabe.
Sisalokhe silwisa of course ukuthi sithole amagqwetha azavuma ukusimela ukuthi sisuwe okwakuqala iZimbabwe government, unkosikazi wakhe, iZanu pf labo bonke abamgombolozeleyo. We are still fighting that waw because uma singasayilwanga siyabe singasahloniphanga ama rights of elders eZimbabwe. Yi fundamental right and asoke sibuyele emuva ngakho lokhu
USibanda uthi kusegcekeni emuntwini wonke ukuthi ngobani ababamba ngamandla umuntu omdlala ukuthi enze ulutho angalufuniyo. Lokhuke uthi kuphambana lomthetho wokuvikelwa kwamalungelo asebekhulile.
Ubaba uMugabe uhlukunyezwa ngunkosikazi wakhe okokuqala ngoba unkosikazi wakhe usasemutsha ufuna ukuqhubeka embusweni lokuthi abantwabna bakhe baphile kahle. Aphinde ahlukunyezwe ngabeqembu leZanu bonalaba abepolitical party yeZanu. Sile G40, sile Lacoster Ingwena and kune butho esicabanga ukuthi liyasekela amaqembu ahlukileyo lapha.
UMudzembwe yena uthi kuyazakala njalo ukuthi kungani laba bantu bencedisana ukuhlukumeza umongameli Mugabe.
Eqinisweni iproblem enkulu ekhona yikuthi iZanu pf has been made up ngama thugs, yizigebengu zonke ziyesaba ukuya ejele. I presence eka Robert Mugabe yiyo ebaProtectayo. Ngakhoke as soon as uRobert Mugabe engaphuma kupicture sizathola isituation eyama mass arrests.
USibanda yena uthi, kungumlandu wesizwe sonke ukuvikela amalungelo asebekhulile kugoqela lomongameli Mugabe.
Indlela esikhuliswe ngayo esintwini sakithi umuntu nxa esemdlala uyavikelwa yilaba abatsha abomdeni batsho ukuthi hayi cha umdala lingasamvumeli akhulume ngoba ingqondo yakhe isibuyela emuva usesiba ngumntwana. Kungakho sithola ukuthi amaphutha ezinkulumeni zakhe maningi usevela akhulume yiloba yini ngoba akasena control akasena mandla akasakwazi ukulawula indlea acabanga ngayo umqondo usuhamba ulahleka.
Bakhonake abathi lelinyathelo ngeke liphumelele kodwa bayavuma ukuthi liqakathekile, ekuvezeni sobala ukuthi umongameli usekhulile sekufanele aphumule.
Your browser doesn’t support HTML5
Udaba lwabadinga ukulwela amalungelo kaMugabe abebandla leLiberal Democrats