Kulabanye abathi lenze kahle eleZambia eseliphanyeke udaba luka Mongameli Emmerson Mnangagwa kunhlanganiso yeSouthern African Development Community leye African Union besithi kubi kakhulu alutshela umkhokheli wakwele Russia ngobudlelwano belizwe leli lele Melika.
Bathi uMnangagwa owatshela uMnu. Vladmir Putin ukuba eleMelika lisekela eleZambia kakhulu lisenzela ukukhuwulisa ilizwe lakhe, wesaba umnyama ongelampisi. Italian yakwele Zambia uMnu. Delani Mhlanga uthi kwakuvele kumele eleZambia likhonone ngokwenziwa nguMnangagwa.
UMhlanga uthi ukungenela kwenhlanganiso yeSADC leye AU kunganceda amazwe womabili alobudlelwano obaziwayo.
Umqondisi wePanos njalo oyintathelizindaba esebenza kwele Zambia, uMnu. Vusumuzi Sifile Sibanda, uthi kumele lulungiswe udaba lolu.
Lokhu kusekelwa nguMnu. Fortune Mlalazi ingcwethi yezombusazwe ezimeleyo.
Kodwa uMnu. Kuda Munsaka okubandla leZanu PF uthi amabandla aphikisayo too aphelia ukulwisana phakathi kwamazwe la leleMelika.
EleMelika lithi lisekela amazwe atshiyeneyo kuzwekazi leAfrica okugoqela eleZimbabwe.
SEE ALSO:
Udaba Esilwethulelwe NguGibbs Dube