Kulandela ukudluliselwa komthetho okhangelelwe ukulwela amalungelo ezisebenzi ezigunyulwa umsebenzi mahlayana, owe Labor Amendment Bill ngoLwesibili lidale lephalamende, idale leSenate lithi lilungiselela ukucubungula lumthetho ngoLwesine.
USenator Matson wakoBulawayo, utshele iStudio 7 ukuthi yena labanye bakhe abangahlali eHarare, balubhekise esigodlweni ngoLwesithathu ngoba sebemenyiwe ukuzohluza loludaba. Wengezelele wathi bazimisele ukulwela amalungelo ezisebenzi, njengalokhu okwenziwe ngamalunga edale lephalamende.
Kusenjalo, uMnu. Ambrose Sibindi, isiphathamandla senhlanganiso yeZCTU uthi izisebenzi ziyajabula ngokwenzakalayo, njalo zithemba ukuthi i-Bill le ingaba ngumthetho izagoqela labo abaxotshwa umsebenzi kunyanga ezedluleyo ukuthi bephiwe imfanelo zabo.
Your browser doesn’t support HTML5
Ingxoxo LoMnu. Ambrose Sibindi