Abantu abaphila legcikwane lengculaza lalabo ababhekane lenhlupho ngenxa yalumkhuhlane, ngoLwesine bebebukisa ubuhle babo emncintiswaneni obuqoqwe yinghlanganiso ye Revival of Hope kanye le National AIDS Council.
Lokhu kwenziwa njengendlela yokulwisana lobandlululo olulethwa ngumkhuhlane lo.
UNkosikazi Nosihle Ndlovu, onguye owasungula inhlanganiso le, uthe umcimbi lo bawenzele ukuthi bakhuthaze abaphila legcikwane ikakhulu abantwana ukuthi ukuphila legcikwane leHIV akutsho ukuthi kabasenelisi ukuphatheka enhlelweni ezehlukeneyo.
Your browser doesn’t support HTML5
Omunye Wabaqoqe Umbukiso Wabaphila Legcikwane Lengculaza
UNkosikazi Sibulewe Mpofu, okunhlanganiso ye-Positive Living Association of Zimbabwe, uthe bakhuthaza abaphila legcikwane ukuthi bangafihli isimo samo njalo bakhuthalele ukuphatheka enhlelweni ezinengi ezigabeni zabo.
Osakhulayo ophila legcikwane, uNkosazana Thandolwenkosi Matete, ngomunye othole umvuzo emcintiswaneni obukhona.
Yenake uthi, wabanjwa igcikwane ngo2011 wahle waqala ukunatha amaphilisi okwehlisa igcikwane emzimbeni.
Uthe isiphatho abasiphiwa esibhedlela asisihle ngoba bayathethiswa ngabongi.
Kwele Zimbabwe igcikwane lengculaza labulala abantu abanengi kakhulu ngesikhathi kungakatholakali amaphilisi lemithi yokwehlisa igcikwane emzimbeni kanye lemfundiso yokuthi lanxa usutholakele ulegcikwane umuntu ulakho ukuphila okwesikhathi eside nxa engaziphatha kahle lokuthola imithi yama ARVs.
Your browser doesn’t support HTML5
Udaba Esilethulelwe NguBathule Masuku