Abantu bakwele Mozambique namuhla bavote kukhetho olokhulu kulandela umkhankaso obelokuxokozela okumangalisayo obekuphakathi kwebandla elibusayo eleFrelimo laphikisayo agoqela eleRenamo leleDemocratic Movement of Mozambique.
Kulabantu abafika amatshumi amane ababulewe ngesikhathi kusenziwa umkhankaso wokhetho lolu obekukhengelelwe ukuthi kuzavota abafika izigidi ezilitshumi lantathu – 13 million.
Omunye wababulewe ngeviki ephelileyo ngobekumele ahlolisisa ukhetho lolu obizwa ngeSilungu ngokuthi yi-election obsever. Ubulewe ngabasekela iFrelimo abathi wachothoza ibandla leli.
Abantu bakhangelelwe ukudinga umongameli omutsha, osibalukhulu bezabelo lamalunga edale lephalamende afika phose amakhulu amabili lamatshumi amahlanu – 247.
Abafisa ukukhethwa nguzulu ukuba ngumongameli wakwele Mozambique nguMnu. Filipe Nyusi, ophethe isikhundla lesi okwamanje ekubandla leFrelimo, uMnu. Ossufo Momade okubandla leRenamo, uMnu. Daviz Simango webandla leDemocratic Movement of Mozambique loMnu. Mario Albino ozimele yedwa.
Ababona ngokwenzakalayo kukhetho lolu bathi kukhangelelwe ukuthi abantu abanengi bazavotela ibandla leFrelimo lele Renamo.
Bathi ibandla leFrelimo likhangelelwe ukuthi lizanqoba kukhetho lolu ngoba lenze umkhankaso olohlonzi njalo lidlelana labantu abaphethe ezokhetho.