Idolobho lako Bulawayo, elihlaselwe yikusilela yikuvalwa kwamafekitali, lithi kunyanga ezimbili ezilandelayo kuzakhiwa imall ezabiza imali eyizigidi ezingamatshumi ayisikhombisa, $60 million lapho okugadwa khona amakhombi, eGodini.
Isitolo seWoolworth koBulawayo
Imall le izakhiwa phansi kwesivumelwano se Build Own And Transfer, lenkampani ethiwa Teraccotta Trading Private Limited.
Amakhombi labaphila ngokuthengisa baphiwe inyanga ezimbili ukuthi bagqibe umsebenzi lanxa abamakhombi bezaphiwa enye indawo yokusebenzela.
IStudio Seven ixoxe lokhansila Mlandu Ncube, umgcinisihlalo wekhomidi yezemali, eyefinance and budget committee, kukhansili yakoBulawayo ukuze sizwe okunengi ngaloludaba.
"Imall le yakhiwa yinkampani ethi Teraccotta Trading engumbambiswano phakathi kwababili omunye owe Zimbabwe lomunye owe South Africa, yiyo inkampani eakwakha limall," kutsho uNcube.
Wengezelele esithi ukwakhiwa kuzaqala ngemva kwenyanga ezintathu ngoba besaphe abamakhombi lama vendor isikhathi sokuthi bagqibe umsebenzi wabo. Uthi imall le izakhiwa iqonga isiya phambili ukwenzela ukuthi ibe lezitolo ezinengi njalo kusale enye ingxenye yalapho okugadwa khona amakhombi.
Your browser doesn’t support HTML5
ingxoxo loMnu. Mlandu Ncube