Abesifazane phose abangamakhulu amane sebetshengise isifiso sokuphatheka kunhlolisiso yokuthi kambe imithi yama Anti Retrovirals ilakho ukusebenza na ukubavikela ekuthatheni igcikwane le HIV.
Kuhlolisiswa umuthi weTenofovir Vaginal Gel kanye lephilisi elilemithi emibili iTenofovir le Truvada. Inhlolisiso le ethiwa Vaginal and Oral Interventions to Control the Epidemic-VOICE eqale ngomnyaka odluleyo, izaqhubeka kuze kuyefika umnyaka ka 2012.
Inhlolisiso le yenziwa njalo emazweni agoqela iSouth Africa, Uganda leMalawi.
UBrenda Moyo weStudio 7 ukhulume loNkosikazi Margaret Mlingo omunye wabaqhuba inhlolisiso le othi bakhangelele ukuthi ekucineni kuzavela sobala ukuthi abesifazane bangabe sebelamandla na okuzivikela ekuthathneni igcikwane le HIV AIDS.