Abazancintisa kukhetho lukaMongameli weMelika uNkosikazi Kamala Harris owebandla lamaDemocrats loMnu Donald Trump owebandla lamaRepublicans ngoLwesine baqhubeke ngemihlangano yabo yokukhankasela lolukhetho.
UNkosikazi Harris wenze umhlangano loMongameli Joe Biden eMaryland bamemezela uhlelo lukahulumende olutsha lokwehlisa imbadalo yamaphilisi lentengo yezempilakahle.
Ngakolunye uhlangotho ozancintisa emele ibandla lamaRepublicans uMnu Donald Trump uhlele ukwenza owakhe umhlangano eNew Jersey lapho akhangelelwe ukuchothoza khona uHarris.
Uphenyo olwenziwa zinhlangothi ezitshiyeneyo luveza ukuthi ababili laba bangutshikilobhanqa kusekelo abalutholayo elizweni lonke jikelele.
Sixoxe lesizalwane seZimbabwe esihlala eMelika uMnu Jabu Moyo, yena othi kuzakhanya ngokuya kwesikhathi ukuthi ngubani ozanqoba kulolukhetho.
Your browser doesn’t support HTML5
Ingxoxo loMnu Jabu Moyo