Ukuthunjwa kwamapulazi abalimi abamhlophe kubikwa kuqhubekela phambili endaweni ezitshiyeneyo zelizwe njalo kulomlimi obotshiweyo lendodana yakhe eNyamayendlovu ngoLwesihlanu besetheswa icala lokwala ukusuka epulazini labo.
Umlimi lo nguMnu James Taylor umnikazi weCedor Park Farm lomntanakhe uMathew Taylor. Ababili laba baqede impelaviki yonke bevalelwe baze bakhululwe ngoMvulo.
Lokhu kwenzakalalanje umthethwandaba weSadc Tribunal, wona oseNamibia ukhangelelwe ukuhluza udaba olukhwezwe ngabalimi beZimbabwe abamhlophe abafuna iZimbabwe ixotshwe kuSadc ngokwehluleka ukuhlonipha izinqumo zedale leSadc Tribunal ezokuthi kumele imise uhlelo lokuthunjwa kwamapulazi.
Abalimi laba bathi bafuna iSadc ibize njalo umhlangano wesiphangiphangi ihlaziye udaba lwamapulazi lolu. Sixhume ingcwethi ecubungula ezombusazwe uMnu Qhubani Moyo othi kavumelani lesicelo sabalimi abamhlophe laba esokuthi iZimbabwe ixotshwe kuSadc.